Olsi Bylyku ka ndarë me ndjekësit një moment mjaft të ndjerë nga udhëtimi i tij me tren, ku shihet bashkë me partneren e tij, Denadën, të mbështetur te njëri-tjetri në qetësi të plotë.
Fotoja bardh e zi, e thjeshtë por shumë emocionale, ka tërhequr vëmendjen e publikut për shkak të mesazhit që Olsi ka vendosur mbi të.
“‘My secret’, who has carried my truths for years on this long battle for success, quietly enjoying the peace of a train ride.”
“‘Sekreti im’, ajo që ka mbajtur të vërtetat e mia për vite me radhë në këtë betejë të gjatë drejt suksesit, duke shijuar në heshtje paqen e një udhëtimi me tren.”
Me këtë dedikim, Olsi tregon publikisht mirënjohjen dhe lidhjen e fortë që ka me Denadën, e cila qëndron pranë tij prej vitesh, si në sfidat profesionale ashtu edhe në arritjet personale.
Lidhja e tyre u zbulua, më pas çifti e pranoi gradualisht në rrjetet sociale, duke ndarë foto të përbashkëta. Denada ka zgjedhur të mbajë një profil më të heshtur online, duke mos qenë publike, por është Olsi ai i cili herë pas here zgjedh të ndajë copëza të tyre me ndjekësit.
