Këngëtarja e njohur Parashqevi Simaku feston sot 59-vjetorin e lindjes.
Ka qenë vetë ajo që ka bërë të ditur lajmin, përmes një postimi në rrjetin social Facebook.
Mirëpo asaj i mungon djali i saj, Luke, teksa shkruan “Çdo nënë, kur zgjohet në mëngjesin e ditëlindjes së saj, ëndërron që fëmija ta përqafojë dhe t’i thotë: “Gëzuar ditëlindjen, nëna ime!”.
Postimi i plotë i këngëtares Parashqevi Simaku:
Sot, në ditëlindjen time të 59-të, zemra ime është e mbushur me mall për ty.
Çdo nënë, kur zgjohet në mëngjesin e ditëlindjes së saj, ëndërron që fëmija ta përqafojë dhe t’i thotë: “Gëzuar ditëlindjen, nëna ime!”
Sa shumë do të doja ta dëgjoja këtë nga ty…
Por e di që ti as nuk e di kur është ditëlindja ime, dhe kjo më dhemb thellë.
Megjithatë, zemra ime rreh gjithmonë me ty – ashtu si atëherë kur ishe në barkun tim, edhe sot, në çdo frymë të jetës sime.
Edhe pse jemi larg, ti je gjithmonë pjesë e imja – drita dhe shpresa ime.
Të dua pafund, Luke!
