Kapiteni i Portugalisë, Cristiano Ronaldo, ishte një mungesë e dukshme teksa sulmuesi i Liverpoolit, Diogo Jota, dhe vëllai i tij, Andre Silva, u varrosën të shtunën, më 5 korrik.
Bota e futbollit u trondit kur Jota dhe vëllai i tij vdiqën në një aksident me makinë të enjten, më 3 korrik, në Spanjë.
Shumica e shokëve të ekipit të Jotës te Liverpooli dhe disa të tjerë te Portugalia morën pjesë në funeralin e tij në kishën Igreja Matriz në Gondomar, pranë Portos.
Kapiteni i Liverpoolit, Virgil van Dijk, dhe Andy Robertson u panë duke mbajtur lule të kuqe në kishë.
Futbollistë të Kombëtares së Portugalisë si Ruben Neves, Bruno Fernandes, Bernardo Silva, Nelson Semedo, Jota Silva dhe të tjerë ishin të pranishëm në funeral.
Miku më i mirë i Jota-s, shoku i skuadrës së Portugalisë dhe ish-shoku i skuadrës së Ujqërve, Neves, gjithashtu mbajti arkivolin e Jotës në kishë.
Megjithatë, Cristiano Ronaldo, lojtari me më shumë paraqitje në Portugalinë dhe golashënuesi më i mirë në histori, nuk ishte midis të pranishmëve në kishë.
Shumë prisnin që kapiteni i Portugalisë të merrte pjesë në funeral, por superylli i Al-Nassr nuk udhëtoi për në atdheun e tij.
Siç pretendon The Mirror, Ronaldo vendosi të mos i bashkohej ceremonisë së zisë pasi nuk donte që vëmendja e medias të largohej nga Jota.
40- vjeçari thuhet se beson se pjesëmarrja e tij në funeral mund të ketë lënë në hije udhëtimin e fundit të Jotës në një qytet të vogël si Gondomar.
Cristiano Ronaldo ndau tronditjen dhe pikëllimin e tij në rrjetet sociale kur lajmi për ndarjen nga jeta të Diogo Jotas doli të enjten, më 3 korrik. Kapiteni i Portugalisë shkroi në Instagram:
"Nuk ka kuptim. Ne ishim bashkë në ekipin kombëtar dhe ti sapo ishe
martuar. Familjes tënde, gruas dhe fëmijëve të tu, u shpreh ngushëllimet e mia dhe u uroj gjithë forcën e botës. E di që do të jesh gjithmonë me ta. Pusho në paqe, Diogo dhe Andre. Do të na mungosh të gjithëve."
Cristiano Ronaldo dhe Diogo Jota e kanë ndarë fushën në 32 raste për
Portugalinë deri më sot dhe kanë pasur shtatë pjesëmarrje të përbashkëta në gola.
Ata fituan dy Liga të Kombeve UEFA së bashku, përfshirë edicionin e përfunduar së fundmi 2024-25./ Versus.al
