Real Madridi u përfshi ditët e fundit në një skandal për shkak të përplasjes fizike të ashpër mes Tchouamenit dhe Valverdes duke bërë që ky i fundit të përfundonte në spital.
Klubi madrilen ka vendosur të reagojë zyrtarisht lidhur me ngjarjen duke gjobitur secilin prej lojtarëve me një gjobë prej 500 mijë eurosh.
Deklarata e Real Madridit
“Real Madrid njofton se, pas ngjarjeve që çuan në hapjen e një çështjeje disiplinore dje kundër lojtarëve tanë Federico Valverde dhe Aurélien Tchouameni, të dy u paraqitën sot para hetuesit të çështjes.
Gjatë paraqitjes, lojtarët shprehën keqardhjen e tyre të thellë për atë që ndodhi dhe i kërkuan falje njëri-tjetrit. Ata gjithashtu i kanë kërkuar falje klubit, shokëve të ekipit, stafit të trajnerëve dhe tifozëve, dhe të dy i janë vënë në dispozicion Real Madridit për të pranuar çdo sanksion që klubi e konsideron të përshtatshëm.
Duke pasur parasysh këto rrethana, Real Madridi ka vendosur të vendosë një gjobë financiare prej pesëqind mijë eurosh për secilin lojtar, duke përfunduar kështu procedurat përkatëse të brendshme”. Versus.al
