Një vit më parë peshorja tregoi 156 kg. Një shifër që erdhi si një zile zgjimi për 46-vjeçarin Martin Fletcher nga Liverpuli, baba i dy vajzave që zgjohej çdo natë duke marrë frymë me vështirësi. Në atë moment, ai e kuptoi se nëse nuk do të merrte masa drastike për të kontrolluar peshën e tij, mund të mos jetonte për t'i parë vajzat e tij të rriteshin.
Apnea e gjumit, një ndërlikim i rrezikshëm i obezitetit, ishte bërë një mundim i pafund: Zgjohej disa herë gjatë natës, gërhitej shumë, rraskapitej, nuk ishte në gjendje të luante as edhe disa minuta me fëmijët e tij. Në moshën 46 vjeç, ai ndihej sikur trupi po e braktiste.
Pavarësisht përpjekjeve të panumërta për të filluar ushtrimet, gjithçka përfundoi në të njëjtin model: Eksitim-dhimbje-braktisje.
Sa herë që gjente guximin për të filluar një program fitnesi, një dëmtim ose lodhje shkatërruese e bënte të hiqte dorë nga qëllimi i tij.
View this post on Instagram
Derisa zbuloi DDP Yoga-n, një program amerikan që kombinon yogën, lëvizjet dinamike, stërvitjen e forcës dhe ushtrimet e qëndrueshmërisë kardio-respiratore pa kërcyer ose sforcuar kyçet.
Ai filloi të stërvitej për një orë në ditë, duke u zgjuar në orën 5:30 të mëngjesit përpara se vajzat e tij të zgjoheshin. Rezultatet e tronditën: Vetëm brenda një jave, ai humbi 7 kilogramë.
"Sa herë që aktivizoni muskujt, rrahjet e zemrës suaj rriten. Djersitni pa lëvizur fare nga i njëjti vend"- thotë ai.
View this post on Instagram
Transformimi mbresëlënës 13-mujor
Me qëndrueshmëri dhe disiplinë, ai e vazhdoi programin për 13 muaj. Rezultati? Ai humbi 64 kilogramë, duke rënë nga 156 në 90 kilogramë.
Dhe e gjithë kjo, ndërkohë që mjekët i kishin thënë se kishin mbetur vetëm dy zgjidhje: Injeksione me ilaçe ose ndërhyrje kirurgjikale .
"Të gjithë mendonin se po më bënin injeksione ose ndërhyrje kirurgjikale. Mjekët më thanë se këto ishin të vetmet mundësi. Por unë e dija që mund ta bëja natyrshëm ", thotë Martin.
Sot, apnea e gjumit pothuajse është zhdukur, tensioni i gjakut i është kthyer në normalitet dhe ai po përgatitet të bëhet instruktor i jogas DDP, pasi shumë njerëz i kërkojnë ndihmë.
Historia e Martin Fletcher nuk ka të bëjë vetëm me humbjen e peshës. Është një fitore personale mbi lodhjen, frikën dhe dorëzimin. Me këmbëngulje, disiplinë dhe një metodë që respektonte trupin e tij, ai arriti të rifitonte shëndetin, energjinë dhe jetën e tij. Për të, ky ishte fillimi i një udhëtimi të ri. Për shumë të tjerë, ky mund të jetë frymëzimi për të filluar të vetën.
