Një nga aktorët më të kërkuar në Hollywood për momentin është kandidati kryesor për pasardhësin e numrit të koduar 007.
Ndërsa spekulimet për pasardhësin e Daniel Craig nuk pushojnë, Aaron Taylor-Johnson shfaqet gjithnjë e më shpesh në kontekstin e rolit prestigjioz të agjentit sekret britanik James Bond.
Duke qenë se vitin e kaluar ai u shpall edhe burri me fytyrën më të bukur në botë, padyshim që do të jetë i denjë për një rol që gjithmonë ka kërkuar shtat, pamje tërheqëse dhe vetëbesim të madh.
Edhe pse emra të tjerë, si Theo James, Henry Cavill dhe Tom Hardy, ishin në lojë për rolin e famshëm të James Bond , lëvizja e fundit nga Aaron Taylor-Johnson i ushqeu më tej thashethemet.
Konkretisht, ylli 34-vjeçar i filmave Marvel është imazhi i markës prestigjioze të orëve "Omega", të cilën agjenti sekret më i famshëm në botë e ka mbajtur që nga filmi "Golden Eye" i vitit 1995.
Tabloidi britanik "The Sun" zbuloi më parë ekskluzivisht se Taylor-Johnson iu ofrua zyrtarisht roli vitin e kaluar, pas një xhirimi sekret provë për producenten Barbara Broccoli në studiot e famshme Pinewood.
Një burim tha në atë kohë: "Roli është i tij nëse ai zgjedh ta pranojë. Një ofertë zyrtare është në tryezë dhe pritet përgjigja e tij."
Nëse Aaron Taylor-Johnson e pranon ofertën, ai do të bëhet aktori i tetë që bën histori si James Bond.
Ndërsa emri i Aaron Taylor-Johnson shoqërohet gjithnjë e më shumë me rolin e ri të James Bond, interesi i publikut për jetën e tij private nuk shuhet - e gjitha për shkak të martesës së tij me regjisoren Sam Taylor-Johnson, e cili është 23 vjet më e madh se ai.
Çifti u takua në vitin 2009 në sheshxhirimin e filmit "Nowhere Boy", në të cilin Aaron luajti rolin e John Lennon, ndërsa Sam ishte regjisorja e filmit. Në atë kohë, ai ishte vetëm 18 vjeç dhe ajo ishte 42.
Pavarësisht diferencës në moshë prej 23 vitesh, çifti shpejt filloi të dilte bashkë dhe u fejuan po atë vit që u takuan.
Ata u martuan në vitin 2012 dhe të dy morën mbiemrin e përbashkët Taylor-Johnson.
Familja në fokus
Aaron dhe Sam kanë dy vajza - Wilda Rae (14) dhe Romi Hīro (13). Përveç kësaj, Aaron është njerku i dy vajzave të Sam nga martesa e saj e mëparshme me artistin Jay Jopling. Interesante është që Aaroni është vetëm shtatë vjet më i madh se vajza e saj./Versus.al
