Udhëtimi i ëndrrave të një britaniku në Tajlandë u shndërrua në një makth kur ish-partnerja e tij ia anuloi pasaportën. Pushimet e William Barr mbaruan para se të fillonin, sapo ai mbërriti në Tajlandë, dhe ish-partnerja e tij u dënua për këtë përvojë të hidhur. E gjitha filloi kur Rosie Wood, e cila ishte modele, përdori internetin për të anuluar pasaportën e William sepse ishte "jashtëzakonisht e zemëruar" që ai po shkonte me pushime, dëgjoi Gjykata e Sherifit të Dunfermline, sipas Daily Mail.
Zëvendës Prokurori i Qarkut Matthew Knapp tha se kur Barr mbërriti në Azinë Juglindore për pushime dyjavore, atij iu tha se pasaporta e tij ishte deklaruar e humbur, e vjedhur ose e anuluar. Me të mbërritur në aeroportin e Phuket, ai u arrestua dhe u deportua nga Tailanda.
William Barr i tha policisë se me të mbërritur në aeroport, ai "shkoi te porta e sigurisë dhe që andej gjithçka doli jashtë kontrollit". Kur u kthye në Mbretërinë e Bashkuar, ai kontaktoi policinë duke i kërkuar atyre të hetonin incidentin. Ata më vonë zbuluan se llogaria e internetit e ish-partneres së tij ishte përdorur për të anuluar pasaportën.
Rosie pranoi se e kishte anuluar pasaportën sepse ishte "e zemëruar" dhe e kuptoi se ishte "budallallëk" pasi e kishte bërë, por nuk kishte asnjë mënyrë që ta anulonte atë. Ajo u dërgua në gjyq ku pranoi veprimet e saj dhe avokati i saj tha se ishte e penduar dhe e turpëruar. "Ajo nuk është në pozicionin më të mirë financiar", shtoi ajo.
Ajo u urdhërua të paguante kompensim prej 576 eurosh dhe do të mbikëqyret për 167 muaj dhe u urdhërua të bënte punë në komunitet për 167 orë.
