Kapitulli i fundit në serinë e filmave Fast & Furious duket se do të ketë një anëtar të papritur të kastit, pasi sipas Deadline, Vin Diesel ka përfshirë në skenar një rol për superyllin e futbollit Cristiano Ronaldo.
Ylli dhe producenti i serialit Vin Diesel thuhet se po shfrytëzon marrëdhënien e tij të ngushtë me fituesin pesë herë të Topit të Artë, duke kërkuar të kombinojë shkëlqimin e sportit me botën kinematografike të aksionit.
Siç raportojnë raportet ndërkombëtare, "Cristiano Ronaldo ka përvojë të kufizuar në aktrim, por fama e tij globale dhe personaliteti i tij plot adrenalinë janë një përshtatje e përkryer për stilin e Fast & Furious".
Në një postim në Instagram, Vin Diesel postoi një foto me Ronaldon, duke shkruar: “Të gjithë pyesnin nëse ai do të ishte në mitologjinë e Fast... Duhet t'ju them, ai është i vërtetë. Ne shkruam një rol për të... ”
Filmi i parë i serisë u publikua në vitin 2001, ndërsa i 12-ti dhe i fundit pritet të dalë premierë në prill të vitit 2027. Vin Diesel ka deklaruar se "finalja e madhe nuk është thjesht një fund, por një festë e familjes së jashtëzakonshme që kemi ndërtuar së bashku"./Versus.al
