Historia e një burri kinez në moshë të mesme, i cili u maskua si grua për të filmuar fshehurazi takimet e tij me më shumë se 1,000 burra dhe për t'i ngarkuar videot në internet, është bërë virale në Kinë, duke shkaktuar reagime negative.
Sipas Reuters, rasti ka ngritur shqetësime serioze midis qytetarëve në lidhje me shëndetin publik, privatësinë dhe besnikërinë martesore.
"Xhaxhai i Kuq ", siç quhet gjerësisht në mediat sociale protagonisti i rastit të çuditshëm (adresa "xhaxhai" përdoret në Kinë për burrat e moshuar), u arrestua të dielën e kaluar në qytetin e Nanjingut, ku jeton, me akuzën e shpërndarjes së materialeve të pahijshme. Mbiemri i tij është Jiao, konfirmoi sot policia lokale.
Hashtagu "Xhaxhai i Kuq" u bë trendi më i popullarizuar në Weibo kineze, rrjeti më i madh social në vend, të martën, duke mbledhur të paktën 200 milionë shikime dhe komente të panumërta.
