Gjiganti teknologjik Meta, nën drejtimin e Mark Zuckerberg, ka themeluar një njësi të re kërkimore të quajtur Meta Superintelligence Labs (MSL), me një mision ambicioz: krijimin e një superinteligjence artificiale që tejkalon kapacitetet dhe inteligjencën njerëzore. Për ta realizuar këtë, Zuckerberg ka "rrëmbyer" disa nga trutë më të ndritur të OpenAI – rivalit më të madh në botën e inteligjencës artificiale.
Kjo inciativë ambicioze vjen në një kohë kur gjithnjë e më shumë kompani teknologjike intensifikojnë aktivitetet e tyre drejt krijimit të inteligjencës së përgjithshme artificiale (AGI), por Meta po jep sinjal të qartë që synon avantazhin në këtë garë globale.
Disa nga viktimat më të mëdha të kësaj lëvizjeje janë OpenAI. Meta ka angazhuar të paktën tetë kërkues nga OpenAI – përfshi figura kyçe që kanë kontribuar në zhvillimin e modeleve themelore për rezonancë të inteligjencës artificiale. Kjo “goditje e papritur” ndaj talenteve ka shkaktuar reagim të zjarrtë brenda menaxhmentit të OpenAI-së, sipas burimeve të shumta të afërta me këtë kompani.
Për shkak të këtyre largimeve, OpenAI ka nisur një rishikim të gjerë të strategjive të saj për kompensimin dhe mbajtjen e stafit, duke përfshirë bonuse, mundësi për avancim të brendshëm dhe pjesëmarrje në projekte të ardhshme.
Thuhet se Zuckerberg ka investuar 300 milionë dollarë për këtë aktivizim, dhe që disa kërkuesve u janë ofruar bonuse deri 100 milionë dollarë.
Meta, nën drejtimin e Mark Zuckerberg, ka vënë në krye të laboratorit të ri kërkimor “Meta Superintelligence Labs” një nga mendjet më brilante të teknologjisë moderne – Alexandr Wang. Ai është themeluesi dhe ish-CEO i kompanisë Scale AI, një prej partnerëve më të rëndësishëm të qeverisë amerikane në fushën e teknologjisë së mbrojtjes dhe sigurisë.
Wang, i cili vetëm 27 vjeç, ka braktisur kolegjin për të ndjekur vizionin e tij në AI, dhe sot kompania që themeloi vlen mbi 13 miliardë dollarë. Meta ka investuar mbi 14 miliardë dollarë në Scale AI, duke marrë kontrollin e 49% të saj – një lëvizje që tronditi tregun dhe vendosi Metën si lojtarin kryesor në garën për superinteligjencën.
Në rolin e ri si Chief AI Officer në Meta, Wang ka për detyrë të udhëheqë drejtimin teknik të zhvillimit të sistemeve të superinteligjencës artificiale. Ai është gjithashtu arkitekti kryesor pas rekrutimit të talenteve elitare nga OpenAI, DeepMind dhe qendra të tjera të kërkimit.
Burime të brendshme raportojnë se Wang është i vendosur të zhvillojë AI në mënyrë të hapur dhe të përgjegjshme, në kontrast me qasjen gjithnjë e më të mbyllur të disa prej rivalëve.
Ai ka shprehur dëshirën për ta bërë inteligjencën artificiale të qasshme për të gjithë, jo vetëm për korporatat e mëdha apo qeveritë.
Krah tij qëndron edhe Nat Friedman, ish-CEO i GitHub, i cili do të udhëheqë zhvillimin e produktit dhe infrastrukturës. Friedman, një figurë e njohur në botën e open-source dhe startup-eve, njihet si ura midis kërkimit shkencor dhe produkteve reale që ndryshojnë jetën e miliona njerëzve.
Kjo dyshe – Wang dhe Friedman – konsiderohen si një "kombinim shpërthyes" që mund të ndryshojë rrjedhën e zhvillimit të inteligjencës artificiale në dekadën që vjen.
Evolving.ai sjell listën e plotë të ekipit të ri të ekspertëve:
View this post on Instagram
