Kryeministri Edi Rama priti në një vizitë kortezie ambasadorin e ri të Republikës së Turqisë në Tiranë, Ceyhun Erciyes, ku në fokus të bisedës ishte ecuria e marrëdhënieve mes dy vendeve dhe perspektiva për thellimin e mëtejshëm të bashkëpunimit.
Sipas njoftimit, gjatë takimit u vlerësua niveli i lartë i marrëdhënieve shqiptaro-turke dhe u shpreh kënaqësia për zhvillimin e bashkëpunimit në fusha të ndryshme me interes të përbashkët.
Rama dhe Erciyes riafirmuan angazhimin për të avancuar më tej marrëdhëniet dypalëshe, me një fokus të veçantë në forcimin e bashkëpunimit ekonomik dhe zgjerimin e mundësive për investime dhe shkëmbime tregtare.
Nga ana e tij, ambasadori turk shprehu kënaqësinë për vizitën e ardhshme të kryeministrit Rama në Ankara, ku ai pritet të marrë pjesë në Samitin e NATO-s.
Takimi u konsiderua një tjetër dëshmi e marrëdhënieve të ngushta mes Shqipërisë dhe Turqisë, ndërsa palët theksuan vullnetin e përbashkët për t’i çuar ato në një nivel edhe më të lartë në të ardhmen.
Great to welcome the new ambassador of brotherly Turkiye????????❤️???????? https://t.co/k6WaQhSODR
— Edi Rama (@ediramaal) June 24, 2026
