
Një ngjarje e pazakontë ka ndodhur në një karburant të Bulqizës ku një 28 vjeçar me inicialet A.Xh ka rrezikuar jetën e punonjësit të karburantit ku mbushi me naftë automjetin tip ‘’Benz’’ dhe u largua pa paguar.
I riu rezulton i dënuar më parë në Itali dhe i dëbuar për 10 vite nga ky shtet. Policia mori informacionet për ngjarjen e ndodhur në Shupenzë dhe menjëherë forcat ‘’Shqiponja’’ arrestuan 28 vjeçarin.
Në cilësinë e provës materiale u sekuestruan automjeti, si dhe një kapuç në formë maske.
Materialet procedurale iu referuan Prokurorisë pranë Gjykatës së Shkallës së Parë të Juridiksionit të Përgjithshëm Dibër, për veprime të mëtejshme. Versus.al

