Mbrëmjen e djeshme në rrjetet sociale u publikua një video ku shiheshin disa persona teksa fusnin me forcë në makinë një të ri. Fillimisht u raportua se një grup prej dhjetëra personash kishin dhunuar të riun dhe më pas e kishin futur me forcë në makinë, duke ngritur dyshimet se ishte marrë peng.
Policia u vu në veprim menjëherë pas raportimit të ngjarjes dhe u zbulua se nuk bëhej fjalë për diçka të tillë. Në sqarimin e dhënë me anë të një njoftimi zyrtar, policia bën me dije se u shoqëruan në komisariat 4 persona të cilët ndodheshin në një lokal në zonën e ish-Doganës.
Të shoqëruarit ishin 2 vëllezër, babai i tyre dhe një mik i familjes. Pas largimit nga lokali njëri prej të rinjve ka refuzuar të hipë në makinë dhe familjarët janë detyruar ta fusin me forcë në mjet për ta dërguar në banesë. Versus.al
