Tre shqiptarët e Kosovës të cilët rezultonin të zhdukur që prej ditës së shtunë në Maqedoninë e Veriut, janë gjetur të vdekur. Viktimat, se Ejup Ternava, Cennet Ternava dhe Fatmire Shabani kishin humbur jetën pasi automjeti me të cilin udhëtonin u gjet i fundosur në lumin Lepenc në Maqedoninë e Veriut.
Shqiptarët nga Vushtria, kishin humbur kontaktet me familjarët mbrëmjen e së shtunës, menjëherë sapo ishin larguar nga aeroporti i Shkupit. Autoritetet maqedonase nisën një operacion kërkimi që solli zbulimin e aksidentit të automjetit mercedez “GLK” me targa gjermane që ishte fundosur në lumin Lepenc.
Shkaqet dhe rrethanat e aksidentit nuk janë bërë ende të ditura. Autoritetet kompetente në Maqedoninë e Veriut kanë nisur hetimet për të sqaruar mënyrën se si automjeti përfundoi në lumë. Versus.al
