Mes urimeve të shumta ndaj Papa Leonit të XIV-të për zgjedhjen e tij në krye të kishës Katolike, ka qenë edhe një letër e kryeministres italiane Giorgia Meloni.
“At i Shenjtë, të ofroj urimet e mia personale dhe të qeverisë italiane për zgjedhjen tënde në fronin e Pjetrit”, nisi letra që Meloni i dërgoi Shenjtërisë së Tij Papa Leo XIV, duke e nënshkruar atë “me dashuri birnore”.
Në letrën Meloni shprehej se "bota ka nevojë të dëshpëruar" për paqen, të cilën "ju, nga Loggia della Benedizioni, e keni thirrur disa herë, duke kujtuar veprimin e pandërprerë dhe të palodhur të kryer nga i ndjeri Papa Françesku".
“At i Shenjtë, dëshiroj t’ju përcjell urimet e mia më të përzemërta, si dhe ato të Qeverisë Italiane, për zgjedhjen tuaj si Papë. Jam e bindur se qytetarët italianë do t’ju shohin si një figurë udhëheqëse dhe një pikë orientimi, duke njohur te Papa dhe Kisha një autoritet të thellë shpirtëror dhe moral, një autoritet që buron nga mesazhi i përjetshëm i dashurisë, dhembshurisë dhe shpresës, i cili del nga fjala hyjnore. Kardinalët, të frymëzuar nga Shpirti i Shenjtë, kanë parë tek ju prijësin e duhur për Kishën universale”, shprehet Meloni ndër të tjera. Versus.al
