Një person ka humbur jetën dhe një efektiv policie ka mbetur i plagosur pas një përplasjeje me armë zjarri në qytetin Nørresundby, në veri të Danimarkës.
Ngjarja ka ndodhur në një zonë industriale, ku policia ishte njoftuar për një ndërtesë të përfshirë nga zjarri. Sipas autoriteteve, sapo efektivët kanë mbërritur në vendngjarje, janë përballur me të shtëna armësh.
Policia është kundërpërgjigjur ndaj zjarrit, duke plagosur rëndë personin e armatosur, i cili është transportuar në spital.
“Ky person u dërgua në spital dhe është plagosur rëndë”, njoftuan autoritetet daneze.
Nga shkëmbimi i zjarrit mbeti i vrarë një civil, ndërsa një oficer policie u godit nga plumbat dhe u plagos. Sipas policisë, efektivi ndodhet në gjendje të qëndrueshme shëndetësore.
Autoritetet kanë nisur hetimet për të zbardhur rrethanat e ngjarjes, ndërsa ende nuk janë bërë të ditura motivet e personit të armatosur./Versus.al
One civilian killed, police officer and suspect wounded in Aalborg (Denmark) shooting
— Orla Joelsen (@OJoelsen) July 17, 2026
A civilian was killed and both a police officer and the suspected gunman were wounded in a shooting in the Virkelyst area of Nørresundby, Aalborg, on Friday afternoon.
Police were initially… pic.twitter.com/mqRUQbPcWW
