Një incident i pazakontë në Turqi u bë viral këtë javë kur një ari 91 kilogramësh u desh të dërgohej në një klinikë veterinare me… dhimbje stomaku. Okan, siç quhet kafsha, kishte ngrënë shumë fruta dhe po përjetonte shqetësime të forta barku.
Ariu u dërgua në Departamentin Veterinar të Universitetit të Stambollit, ku iu nënshtrua analizave, përfshirë një skanim CT. Rezultatet dolën të qarta, pa u zbuluar masa, ndërsa analizat e gjakut ishin gjithashtu normale. "Ai tani është mirë, shumë i qetë dhe i lumtur. Së shpejti do të freskohet në pishinën e parkut", tha Burak Memisoglu , president i Fondacionit të Natyrës dhe Jetës së Stambollit.
Okan është bërë veçanërisht popullor me vizitorët e parkut, të cilët e njohin atë nga raportimet e medias. Në fakt, kjo nuk është hera e parë që ai vuan nga një problem i ngjashëm: tre vjet më parë, ai u trajtua përsëri për dhimbje stomaku pasi kishte ngrënë shumë fruta. Pastaj... ai u pagëzua, kur një punonjës, duke mos ditur si ta thërriste në spital, i dha emrin e tij: Okan.
Sot, veterinerët dhe biologët e qendrës monitorojnë dietën e tij, duke ia përshtatur vaktet për të shmangur aventura të reja... Okanit i pëlqejnë frutat dhe perimet e stinës, ndërsa në dimër ushqehet me mjaltë dhe peshk bonito.
Okani nuk është vetëm një ari: ai është bërë një figurë virale që 'vjedh' shfaqjen, duke marrë vëmendje sa herë shfaqet. / VERSUS/
