Nëse nuk do të kishte qenë John Travolta, Tom Selleck ndoshta nuk do të kishte kërcyer kurrë me princeshën Diana.
Në një intervistë të fundit për Town & Country, aktori 79-vjeçar i “Blue Bloods” foli për një pjesë nga kujtimet e tij You Never Know, ku tregon se si përfundoi duke kërcyer me princeshën e Uellsit në një darkë në Shtëpinë e Bardhë në vitin 1985.
Në atë kohë, Selleck po xhironte serialin Magnum, P.I. në Havai dhe nuk ishte i sigurt nëse do të merrte pjesë në event, derisa përgjegjësi i marrëdhënieve me publikun i tha: “Kjo është lista personale e të ftuarve të princeshës Diana dhe ka vetëm tre aktorë në të: ti, Clint Eastwood dhe John Travolta.”
Në kujtimet e tij, ai tregon se ai dhe Eastwood u përpoqën të qëndronin në prapaskenë, ndërsa Travolta dhe Diana po bënin vallëzimin tashmë të famshëm së bashku.
“S’thamë asgjë dhe u ulëm pak më larg nga pista e vallëzimit,” shkruan Selleck. “John dhe princesha Diana po kërcenin me muzikë ritmike dhe të gjithë u ndalën dhe i rrethuan duke i duartrokitur.”
Megjithatë, kur Travolta dhe Diana nisën një kërcim të dytë, një grua britanike iu afrua Selleck dhe i kërkoi të ndërhynte për të ftuar princeshën për të kërcyer me të, para se të lindnin thashetheme.
Ai kujton: “Unë dhe Clint nuk thamë asgjë, por ajo më tha: ‘Z. Selleck, duhet të shkoni dhe ta zëvendësoni atë’. Iu përgjigja: ‘Nuk do ta ndërpres John Travoltën’, ndoshta me zë të lartë. Ajo nuk ishte e kënaqur.”
Edhe pse nuk ndërhyri menjëherë, ai më vonë u bashkua para se ata të vazhdonin edhe një kërcim të tretë. Sipas tij, Diana ishte shumë e sjellshme dhe e turpshme, pavarësisht se ishte e aftë në komunikim.
Sa për kërcimin, Selleck thotë se i kërkoi falje për aftësitë e tij të kufizuara në vallëzim: “E vetmja gjë që dija ishte një hap bazik nga vallëzimet e shkollës së mesme. Nuk do të bëja ndonjë lëvizje të madhe me princeshën Diana!”
Ai e përshkruan atë moment si të paharrueshëm. Ndërkohë, në të njëjtën mbrëmje, gruaja e tij kërceu me princin Charles, i cili më vonë u bë mbreti i Britanisë./Versus.al
Tom Selleck danced with Princess Diana to avoid ‘rumors’ starting about her and John Travolta https://t.co/Bc6EuaBaIx pic.twitter.com/WVo6cKTZDa
— New York Post (@nypost) May 8, 2024
