Drama mes Alketa Vejsiut dhe Olsa Muhametit po shkallëzohet si një reality-show më vete. Një koment i vetëm i Alketës mjaftoi për të ndezur një zinxhir reagimesh që sot ka pushtuar rrjetet sociale.
Gjithçka nisi kur Alketa, gjatë rubrikës “Ask me a question”, u pyet për mendimin e saj mbi Big Brother Kosova. Moderatorja nuk e zbuti tonin:
“Duhej ta bëja një edicion vetë,” tha ajo prerë, duke shtuar se ajo çka ka parë online nga formati në Kosovë “ka tejkaluar çdo limit etik”.
Vejsiu u shpreh se nuk është aspak pro “porno-s në mes të ditës”, duke nënvizuar se disa situata në program, sipas saj, krijojnë “bezdi e diskomfort”. Madje, i preku edhe konkurrentet, duke thënë se disa modele “nuk përfaqësojnë asgjë, veç t’u tundin pasmet”.
Alketa shkoi edhe më tej, duke deklaruar se nëse një ditë do të drejtonte këtë format, do t’i shpallte “luftë vulgaritetit”.
Po kjo nuk mbeti pa përgjigje.
Olsa shpërthen: “Mbretëresha e programeve të vyshkur…”
Reagimi i Olsa Muhametit ishte i menjëhershëm dhe i drejtpërdrejtë. Në Instagram, autorja e Big Brother VIP publikoi një mesazh ku u pa hapur se ishte thellësisht e irrituar:
Sipas saj, Alketa nuk mund të gjykojë një format që, me fjalët e Olsës, “nuk e ka parë fare”.
Ajo e quajti Vejsiun “mbretëresha e programeve të vyshkur, arkaik, pa emocion”, duke shtuar se qëndrimi i Alketës është “jo profesional, fasadë, jo brendi”.
Për t’ia bërë reagimin edhe më të mprehtë, Olsa nuk nguroi të prekë edhe të shkuarën:
“Gjithsesi të sfidoj, por kam frikë se do humbasesh si para ca vitesh…”
Alketa kundërpërgjigjet me një goditje të ftohtë
Por edhe Alketa nuk e la pa një thumb. Kur një ndjekës e pyeti për deklaratat e Olsës, ajo u përgjigj shkurt, por me mesazh të qartë:
“A dhe O nuk përputhen!”
Një përgjigje e shkurtër, por sa një deklaratë frontale: mes tyre nuk ka e nuk do të ketë asnjë afrim.
Përplasja mes dy emrave të mëdhenj të ekranit shqiptar ka ndezur rrjetet, komentet janë ndarë në “skuadra” dhe Instastory-t janë kthyer në një arenë të vërtetë showbizz-i, ku secila palë lëshon thumba, deklarata dhe nënkuptime.
Drama vetëm sa ka nisur… dhe publiku po e ndjek me vëmendje të plotë çdo lëvizje të re.
