Kryeministi Edi Rama ka reaguar ashpër në rrjete sociale pas pretencës për ish-krerët e UÇK-së, Hashim Thaçi, Rexhep Selimi, Jakup Krasniqi dhe Kadri Veseli.
Prokuroria Speciale kërkon 45 vite burg për secilin, në total 180 vite, duke i akuzuar për krime lufte me qëllim marrjen e pushtetit në Kosovë, përfshirë vrasjen e 100 personave dhe abuzime ndaj qindra të tjerëve.
Kryeministri Rama shkruan se po mundohet të gjejë logjikën pas kërkesës së prokurorisë për të ‘varrosjen për së gjalli’ të katër burrave.
Ai e cilësoi si "mal me m*t" prezantimin e prokurorisë në zemër të Europës demokratike, duke u shprehur se i duhet kohë për ta gëlltitur.
Postimi i kryeministrit Rama:
Më pyesin miq nga Prishtina pse nuk po shprehesh për mikun tënd që sot u ngarkua me 45 vjet burg në pretencën e prokurorisë së Hagës?! Nuk po shprehem dot, pasi ende po mundohem ta gjej ku buron filli logjik që ka ndjekur prokuroria për të dalë me kërkesën për varrosje për së gjalli të katër burrave dhe si kurrë ndonjëherë, fjalët nuk më vijnë në ndihmë për t’u shprehur… Ndjesë, më duhet kohë ta gëlltis gjithë atë mal me mut që nxorri sot ajo prokurori në zemër të Europës demokratike!Versus.al
