Kryeministri Edi Rama ka mbledhur paraditen e sotme ministrat e kabinetit qeveritar, në një takim të shtyrë nga dita e djeshme për shkak të takimit me Grupin Parlamentar të Partisë Socialiste.
Në këtë mbledhje ishin të pranishëm edhe ministrat që një ditë më parë u njoftua se nuk do të jenë më pjesë e kabinetit, duke përfshirë Elisa Spiropalin dhe Pirro Vengun.
Mbledhja vjen vetëm disa orë pas “tërmetit” që tronditi radhët socialiste dhe opinionin publik, pasi mbrëmjen e së enjtes, pa paralajmërim, kryeministri Rama njoftoi ndryshimet e reja në kabinet.
Ndryshimet e reja përfshijnë:
Ermal Nufi merr Ministrinë e Mbrojtjes, duke zëvëndësuar Pirro Vengu.
Besfort Lamallari largohet nga Ministria e Drejtësisë dhe merr në dorë Ministrinë e Brendshme.
Ferit Hoxha emërohet Ministër i Jashtëm, duke zëvendësuar Elisa Spiropalin.
Albana Koçiu bëhet Zëvendëskryeministre, duke zëvendësuar Belinda Ballukun.
Erjona Ismaili emërohet Ministre e Shtetit për Marrëdhëniet me Parlamentin, në vend të Toni Gogut.
Toni Gogu merr Ministrinë e Drejtësisë, duke zëvendësuar Lamallarin.
Enea Karakaçi merr drejtimin e Ministrisë së Energjisë, duke zëvendësuar Belinda Ballukun.
Ky riorganizim i kabinetit qeveritar shënon një nga ndryshimet më të mëdha të bëra nga Rama që prej fillimit të këtij mandati dhe synon të rifreskojë strukturat drejtuese të qeverisë./Versus.al
