Policia Greke (EL.AS) ka publikuar të dhënat e identitetit dhe fotografitë e 20-vjeçarit – xhaxhai i fëmijëve – dhe të dashurit të tij 40-vjeçar, të cilët kishin abuzuar seksualisht me nipërit e të parit, të moshës 2 dhe 4 vjeç, shkruan media greke Prothema.gr.
Bëhet fjalë për:
MICLEA Markos-Kimonas, i biri i Remus Vasile dhe Gabriela, lindur më 4-8-2005 në Rumani,
dhe Edmond Hoxha, i biri i Selman dhe Hanko, lindur më 25-5-1985 në Shqipëri.
Kundër tyre është ngritur padi penale për:
Marrëdhënie seksuale me të mitur nën 12 vjeç,
Bashkëpunim të thjeshtë në kryerjen e marrëdhënieve seksuale me të mitur nën 12 vjeç,
Veprime seksuale në prani të të miturit nën 14 vjeç, të kryera në bashkëpunim,
Mbajtje materiali pornografik fëmijësh, prodhimi i të cilit lidhet me përdorimin e një të mituri nën 12 vjeç.
Njoftimi i Policisë Greke (EL.AS):
Me urdhër të Prokurorisë së Pireut, bëhen publike të dhënat e identitetit, fotografitë dhe akuzat penale ndaj dy të huajve –një 20-vjeçar dhe një 40-vjeçar të cilët u arrestuan më 21 dhe 24 nëntor 2025 nga policia e Seksionit për Mbrojtjen e të Miturve.
Sipas hetimeve, 20-vjeçari përfitoi nga lidhja familjare që kishte me nënën e fëmijëve dhe nga besimi i prindërve ndaj tij. Ai siguroi që fëmijët të qëndronin në shtëpinë e tij dhe më pas ftoi 40-vjeçarin, me të cilin kryen veprat e mësipërme kriminale.
Në posedim të tyre u gjet një sasi e madhe videosh dhe fotografish, me materiale të rënda pornografike ku shfaqeshin të mitur nën 12 vjeç.
Sipas Policisë dhe urdhrit të Prokurorisë, publikimi i të dhënave ka për qëllim zbardhjen e rasteve të ngjashme, nëse ndonjë viktimë tjetër ka rënë pre e të njëjtëve persona, dhe mbrojtjen e shoqërisë nga vepra të tilla kriminale.
