Policia Federale në Brazilit arrestoi të enjten, 11 dhjetor , ish-Ministrin e Punëve të Jashtme të Perusë, Manuel Augusto Blacker Miller , në Zonën Jugore të Rio de Janeiros.
Blacker Miller kishte qenë në arrati për shtatë vjet dhe kërkohej nën dyshimin për përfshirje në një mashtrim financiar në Shqipëri.
Arrestimi u krye në lagjen Flamengo, nga agjentë të Njësisë së Bashkëpunimit Ndërkombëtar të Policisë Federale.
Sipas autoriteteve shqiptare, ai akuzohet për mashtrim, për të cilin duhet të vuajë një dënim me tetë vjet burg, gjatë periudhës që jetoi në vend pasi la pozicionin e tij në qeverinë peruane.
Ish-ministri do të transferohet në sistemin e burgjeve shtetërore. Veprimi i Policisë Federale përmbushi urdhrin parandalues të arrestit të lëshuar për qëllime ekstradimi nga Gjykata Supreme Federale. Ai do të mbetet në paraburgim deri në ekstradimin e tij përfundimtar në Shqipëri.
Mashtrimi i dyshuar i kryer nga Miller përfshin parregullsi në ndërtimin e një inceneratori të destinuar për djegien e mbeturinave në një qytet shqiptar. Sipas hetimeve nga policia lokale, ai dyshohet se ka premtuar një investim që nuk e ka përmbushur.
Miller ishte ministër gjatë qeverisë së Alberto Fujimorit në vitin 1991. Ai ishte dënuar tashmë me katër vjet burg në Peru në nëntor 2007. Në atë kohë, gjykatat e vendit dënuan gjithashtu nëntë ish-ministra të tjerë të qeverisë Fujimori.
Akuza është se ata ndihmuan në organizimin e një grushti shteti në vitin 1992. Por ish-ministri u zhvendos në Shqipëri, ku jetoi për pesë vjet dhe hapi biznes në Shqipëri për riciklimin e plehrave si administator i “Apollonio Investment” Shpk./Versus.al
