Në Shqipëri është ngritur një tjetër alarm për sigurinë ushqimore. Bëhet fjalë për një produkt, supë të ngrirë që prodhohet në Itali dhe konsumohet gjerësisht edhe në Shqipëri e vende të tjera të Evropës.
Produkti “MINESTRONE 16 Verdure”, perime të ngrira me peshë 750 gram, me numër loti L03DK dhe datë skadence 30 qershor 2028, nuk është i sigurtë për t’u konsumuar.
Alarmi është dhënë pas injë konsumator ka gjetur praninë e një trupi të huaj dhe potencialisht të rrezikshëm brenda paketimit. Menjëherë pas këtij raportimi sistemi europian i alarmit të shpejtë për ushqimin, ka aktivizuar njoftimin me nivelin maksimal të rrezikut duke e konsideruar këtë produkt si kërcënim serioz për shëndetin.
Në Shqipëri ky produkt rezulton të jetë importuar më 14 maj të këtij vit inga subjekti ‘PRONATYRA TREG’ dhe e gjithë sasia e importuar është shpërndarë dhe shitur në 2 pika tregtimi në Tiranë.
Pas mbërritjes së alarmit, ka rezultuar se e gjithë sasia e importuar ishte shitur. Autoritetet u bëjnë thirrje qytetarëve që e kanë blerë këtë produkt me numër loti L03DK të mos e konsumojnë dhe ta kthejnë menjëherë në pikën e blerjes. Versus.al
