Një shpërthim me lëndë plasëse ka tronditur kryeqytetin në orët e para të mëngjesit të së premtes, rreth orës 03:20, në zonën e Selitës së Vogël.
-
Tritol makinës së parkuar në Tiranë, policia në kërkim të autorit
19 Dhjetor, 08:40
Dy persona të maskuar dyshohet se kanë vendosur tritolin në automjetin e shtetasit Dritan Jano, nip i ish-prokurorit Thoma Jano dhe bashkëshort i Dorina Jahos, administratores së Agjencisë së Pasurive të Sekuestruara pranë Ministrisë së Brendshme.
Ngjarja ka shkaktuar vetëm dëme materiale në mjetin e parkuar në oborrin e banesës, pa lënduar persona.
Autorët u larguan me dy automjete, ndërsa Dritan Jano ka mohuar konflikte personale në deklaratat e tij paraprake.
Hetuesit po shqyrtojnë pista të ndryshme, duke përfshirë lidhjen me karrierën e xhaxhait të tij në Prokurorinë e Përgjithshme, ku Thoma Jano ka shërbyer si zëvendëskryeprokuror në 2019 dhe ka drejtuar sektorin e hetimeve në të kaluarën.
Policia ka nisur hetimet intensive për kapjen e autorëve, ndërsa ngjarja ngre pyetje për mundësinë e motiveve të lidhura me funksionet publike të familjes Jano.
Njoftimi i policisë:
Më datë 19.12.2025, rreth orës 03:20, në Selitë të Vogël, dyshohet se është hedhur një sasi lënde plasëse në automjetin e shtetasit D. J., rreth 39 vjeç, i cili ka qenë i parkuar në oborrin e banesës së tij. Si pasojë, pati vetëm dëme materiale. Grupi hetimor ndodhet në vendngjarje dhe po punon për sqarimin e rrethanave të rastit, si dhe për identifikimin dhe kapjen e autorit/ëve”/Versus.al
