Presidentja meksikane Claudia Sheinbaum ka folur për vrasjen e bosit të drogës "El Mencho".
Sheinbaum vlerësoi forcat e armatosura dhe tha se vendi tani është "në paqe, është i qetë" dhe se asnjë nga mbi 250 bllokadat rrugore në 20 shtete nuk kanë mbetur. Më tej nënvizoi se gjëja më e rëndësishme tani ishte të garantohej paqja dhe siguria për të gjithë popullsinë e Meksikës.
Fluturimet nga Puerto Vallarta ku pati dhunë të konsiderueshme të dielën - pritet të rifillojnë sot ose nesër, shtoi Sheinbaum.
Presidentja meksikane tha gjithashtu se raportet se aeroporti i Guadalajara ishte marrë nga anëtarët e kartelit ishin të rreme.
Presidenti amerikan Donald Trump ka bërë një breshëri postimesh në platformën e tij TruthSocial, një prej të cilave i kërkon Meksikës të bëjë më shumë për të luftuar kartelet e drogës. Ndalimi i rrjedhës së drogës në SHBA ka qenë një nga prioritetet e Trump në mandatin e tij të dytë.
Kujtojmë se ai e përmendi këtë si justifikim për kapjen e udhëheqësit venezuelas Nicolas Maduro muajin e kaluar dhe për sulme të shumta ndaj "narko-nëndetëseve" të dyshuara në brigjet e vendit. Versus.al
