Enea Karakaçi

Qeveria ka miratuar një projekt të ri zhvillimor për qarkun Shkodër me emrin “Porta e Alpeve”, i cili parashikon investime në infrastrukturë dhe transport me vlerë totale prej 100 milionë eurosh.

Lajmin e bëri të ditur ministri i Infrastrukturës dhe Energjisë Enea Karakaçi, i cili sqaroi se projekti synon krijimin e një korridori të integruar mes Alpeve dhe bregdetit të Adriatikut, duke fuqizuar turizmin dhe zhvillimin ekonomik në zonë.

Sipas tij, financimi i projektit do të ndahet mes një marrëveshjeje me Bankën Europiane me vlerë 50 milionë euro dhe 50 milionë euro të tjera nga buxheti i shtetit shqiptar.

Investimet do të përfshijnë rehabilitimin e shesheve urbane, rikonstruksionin e bulevardeve, përmirësimin e akseve rrugore që lidhin Velipojën, liqenin e Shkodrës, lumin Buna dhe zonat alpine, si dhe ndërhyrje në rrjetin e ujësjellës-kanalizimeve dhe transportin urban.

Autoritetet theksojnë se projekti synon të krijojë një sezon turistik të zgjatur gjatë gjithë vitit, duke lidhur potencialin e Alpeve me atë të bregdetit Adriatik.

Ministri Karakaçi: Porta e Alpeve nënkupton një marrëveshje financimi me Bankën Europiane në 50 mln euro dhe 50 mln euro të alokuara nga buxheti i qeverisë shqiptare. 100 milionë euro në total për projekte infrastrukturore të natyrave të veçanta. Programi dhe marrëveshja ka disa komponentë për rehabilitimin e shesheve urbane e rikonstruksionin e bulevardeve. Investime infrastrukturore në akset që lidhin bregdetin e Velipojës, liqenin e Shkodrës, lumin e Bunës dhe Alpet. Investime në rrjet kanalizime-ujësjellës, transportin urban dhe elementët turistikë për menaxhimin e ndotjes urbane. Krijojmë për herë të parë një korridor të integruar mes Alpeve dhe bregdetit Adriatik për të pasur sezon turistik nga dimri në verë dhe ndihmuar zhvillimin ekonomik.Versus.al

Mirela Kumbaro

Ministrja e Arsimit Mirela Kumbaro ka bërë të ditur se mësuesit që kontribuojnë në programin “pas shkolle” do të paguhen me 1000 lekë në orë, nga 500 lekë që ishte më parë.

Ky program, i miratuar nga qeveria në Shqipëria, synon që nxënësit të qëndrojnë në shkollë edhe pas përfundimit të orarit të detyrueshëm, për të bërë detyrat e shtëpisë ose për t’u angazhuar në aktivitete të ndryshme edukative dhe artistike.

Ministrja theksoi se thirrja për pjesëmarrje është e hapur jo vetëm për mësuesit aktivë, por edhe për mësues në pension, si dhe për specialistë të fushave të ndryshme si arti, muzika dhe artizanati.

Sipas saj, qëllimi i programit është të përfshijë komunitetin në procesin edukativ dhe të ofrojë një shpërblim më dinjitoz për bashkëpunëtorët që angazhohen në aktivitetet jashtëshkollore.

Ministrja Kumbaro: Këshilli i Ministrave vendosi që të dyfishojë honorarin me të cilin shpërblehen këto orë jashtë mësimit të detyruar në shifrën 10 mijë lekë të vjetra për orë, për 60 minuta. ishte parashikuar në 5 dhe kemi arritur në 10. E hapim listën e bashkëpunëtorëve jo vetëm për mësuesit që janë pjesë e sistemit, për mësues që janë në pension dhe janë aktivë, specialistë të ndryshëm të artit, muzikës, për artizanë që të bëhen pjesë e programeve jashtëshkollore ku shkollat sot do të kenë fondin e disponueshëm për të shpërblyer në mënyrë dinjitoze këta bashkëpunëtorë që vijnë nga komuniteti./Versus.al

Ermal Nufi

Ministri i Mbrojtjes Ermal Nufi ka bërë të ditur miratimin e dy vendimeve të Këshillit të Ministrave që autorizojnë shoqërinë KAYO për të lidhur marrëveshje me dy kompani ndërkombëtare për prodhimin e mjeteve lundruese dhe mjeteve fluturuese pa pilot (dronëve luftarakë).

Sipas ministrit, këto dy VKM janë të rëndësishme dhe shënojnë një hap të ri për industrinë ushtarake në vend, pasi për herë të parë në Shqipëria po krijohet një subjekt i dedikuar për prodhimin e mjeteve lundruese.

Ai theksoi se ky zhvillim është pjesë e një procesi bashkëpunimi ndërkombëtar dhe se Shqipëria është shumë afër finalizimit të marrëveshjeve përkatëse, të cilat pritet të formalizohen në kuadër të një mbledhjeje të përbashkët mes dy qeverive në Romë.

Ministri Nufi: Janë miratuar dy VKM për autorizimin e shoqërisë KAYO për të lidhur marrëveshje me dy kompani, së pari për krijimin e mjeteve lundruese në Republikën e Shqipërisë dhe së dyti për mjetet fluturuese pa pilot, pra dronët luftarakë. Është për t’u veçuar fakti se këto dy vendime të Këshillit të Ministrave janë domethënëse; është hera e parë që në Shqipëri po krijohet një subjekt për prodhimin e mjeteve lundruese në Republikë dhe kjo është diçka që na bën të ndihemi krenarë, dhe jemi shumë afër finalizimit të marrëveshjeve me këtë autorizim që jep Këshilli i Ministrave me palën ndërkombëtare që do të vijë në Republikën e Shqipërisë. Versus.al

Ministrja e Ekonomisë Delina Ibrahimaj ka bërë të ditur miratimin e një projektligji të ri që parashikon përjashtimin nga tatimi në Shqipëri për rezidentët tatimorë që gjenerojnë të ardhura jashtë vendit.

Sipas saj, të gjithë qytetarët që janë rezidentë në Shqipëria, por që marrin të ardhura nga vende të tjera të botës, nuk do të tatohen për këto të ardhura brenda vendit.

Ky ndryshim, sipas ministrisë, synon të nxisë kthimin e pensionistëve shqiptarë që kanë jetuar dhe punuar jashtë vendit.

Po ashtu, nga lehtësirat fiskale do të përfitojë edhe kategoria e personave të verbër, të cilët do të përjashtohen nga tatimi dhe do të kenë trajtim të veçantë fiskal.

Ministrja theksoi se ky projektligj synon lehtësimin e barrës fiskale për kategori të caktuara dhe përafrimin e politikave tatimore me praktikat ndërkombëtare.

Ministrja Ibrahimaj: Parashikon që të gjitha ata që rezidentë tatimorë në Shqipëri, që gjerojnë të ardhura në vende të tjera të botës, këto të ardhura, janë të përjashtuara nga tatimi në vend. Ky është një ndryshim që shkon në linjë me tërheqjen e atyre pensionistëve që kanë dalë në pension në vende të tjera dhe kthehen në Shqipëri. Kemi bërë dhe një rregull ligjor që parashikon që ata që janë të verbër, do të kemi përjashtim tatimor dhe do të përfitojnë nga lehtësirat fiskal.Versus.al

Delina Ibrahimaj

Pas mbledhjes së Këshilli i Ministrave i Shqipërisë, ministrja e Ekonomisë Delina Ibrahimaj deklaroi se çmimi i naftës është ulur me 10 lekë pas vendimit të fundit të Bordit të Transparencës.

Ajo theksoi se çmimet e disa produkteve të shportës kanë pësuar ndryshime, veçanërisht frutat dhe perimet, të cilat sipas saj kanë shënuar rritje më të ndjeshme krahasuar me kategoritë e tjera.

Ministrja u shpreh se institucionet po kryejnë monitorim ditor të tregut për të siguruar që çmimet e reflektuara në treg të jenë në përputhje me ndryshimet më të fundit. Sipas saj, inflacioni ka shënuar një rritje të lehtë në nivelin 2.6%.

Ibrahimaj shtoi se rritja e çmimeve të ushqimeve është një fenomen i ndikuar edhe nga zhvillimet globale të viteve të fundit, përfshirë pasojat e luftës në Ukrainë, të cilat kanë ndikuar në rritjen e kostove në shumë vende.

Ajo gjithashtu bëri të ditur se qeveria do të vijojë të mbështesë me subvencione kategoritë në nevojë, për të zbutur ndikimin e rritjes së çmimeve në jetesën e qytetarëve.

Ministrja Ibrahimaj: 

Dje bëmë një ulje domethënës të çmimit të naftës. Në bazë ditore ne monitorojmë çmimet dhe çdo ditë me qëllim që të garantojmë që çmimet në tabelë janë ato që reflektojnë ndryshimet e fundit.

Ditët e fundit që nga mesi i muajit mars, kemi parë një rritje të çmimeve të frutave dhe perimeve që kanë ndikuar në shportë. Inflacioni shënoi 2.6% me rritje të lehtë. Kemi monitoruar çmimet në njësi tregtare, qoftë fruta-perimet por të gjitha produktet e shportës. Reflektimi ka ndodhur në kategorinë e perimeve ndërsa kategoritë e tjera të çmimeve nuk kanë pasur rritje. Nga eksperienca e luftës së Ukrainës, në të gjithë botën u materializua një rritje e inflacionit të ushqimeve. Do të kujdesemi të subvencionojmë shtresat në nevojë./Versus.al