Mes kompanive dhe brandeve më të rëndësishme të sektorit ushqimor, kompania shqiptare Ola Foods po prezantohet këtë vit në TuttoFood Milano 2026, një nga panairet më prestigjioze dhe më të rëndësishme të industrisë ushqimore në Europë.
I zhvilluar në Milano, TuttoFood mbledh çdo vit kompani lider, prodhues, distributorë dhe rrjete të mëdha shpërndarjeje nga Europa, SHBA dhe shumë vende të tjera të botës, duke e kthyer eventin në një nga pikat më të rëndësishme të takimit për industrinë globale të ushqimit.
Pjesëmarrja në TuttoFood vjen në një moment të rëndësishëm për Ola Foods, e cila vitet e fundit ka zgjeruar ndjeshëm praninë e saj në tregjet e huaja. Sot, produktet e kompanisë janë prezente në 4 kontinente dhe mbi 30 shtete, duke e kthyer brandin në një nga emrat shqiptarë me shtrirjen më të gjerë në këtë sektor.
Fokusi i prezantimit është tek produktet kryesore të Ola Foods, mes tyre Mielli Ola dhe veçanërisht Pasta Ola, linja premium e kompanisë me prodhim në Venecia, Itali. Kjo linjë përfaqëson kombinimin mes standardit italian të prodhimit të pastës dhe vizionit modern të një brandi mesdhetar me prezencë në tregje të ndryshme të botës.
Në një event ku prezantohen trendet, risitë dhe zhvillimet më të fundit të industrisë ushqimore globale, Ola Foods po prezantohet përkrah disa prej kompanive më të njohura të sektorit.
Gjatë ditëve të panairit, kompania po zhvillon takime me partnerë, distributorë dhe përfaqësues të industrisë nga vende të ndryshme të botës. Kjo prani synon zgjerimin e mëtejshëm të bashkëpunimeve dhe hyrjen në tregje të reja.
Për Atlas Corporation dhe Ola Foods, TuttoFood Milano 2026 përfaqëson një tjetër hap të rëndësishëm në forcimin e idhe promovimin e identitetit produkteve premium në tregjet globale. Versus.al
