Mbledhja e komisionit për Çështjet Ligjore është shoqëruar nga debatet ditën e sotme edhe mes socialistëve përsa i takon projektligjit për tokat bujqësore. Pasi deputetët e PD, Oerd Bylykbashi dhe Gent Strazimiri u larguan nga komisioni sepse nuk morën fjalën për të bërë pyetje rreth rezervave që kishin për këtë projektligj, të njëjtën gjë bëri edhe socialisti, Damian Gjiknuri.
Pasi kreu i komisionit Ulsi Manja nuk i dha fjalën, Gjiknuri u largua nga komisioni duke shprehur edhe frustrimin e tij.
Pjesë nga debati:
Manja: E gjetët lepurin në ferrë ju të tre sot, në rregull. Kush është dakord në tërësi me projektligjin?
Gjiknuri: Të bëj dhe unë një shpjegim meqë më përmende emrin. Të jap shpjegimin se u keqkuptove edhe ti. Do ma japësh fjalën apo t ëiki fare?
Manja: Ik mor, shko merru me Oerdin
Gjiknuri: Muhabet leshi.
Pas largimit të deputetëve, mbledhja vijoi sipas rendit të ditës. Versus.al
