Një aksident i rëndë rrugor është regjistruar në aksin Korçë–Pogradec, ku një person ka humbur jetën dhe një tjetër ka mbetur i plagosur.
Sipas informacioneve paraprake, një automjet ka dalë nga rruga dhe është përplasur me barrierat anësore. Si pasojë e përplasjes, njëri prej personave që ndodhej në mjet ka ndërruar jetë, ndërsa pasagjeri ka pësuar dëmtime dhe është transportuar për ndihmë mjekësore.
Ende nuk dihen shkaqet e aksidentit, ndërsa dyshohet se dalja nga rruga mund të ketë ardhur si pasojë e humbjes së kontrollit mbi automjetin.
Policia ka mbërritur në vendngjarje dhe ka nisur hetimet për të zbardhur dinamikën e aksidentit dhe rrethanat që çuan në humbjen e jetës së personit. Grupi hetimor vijon veprimet për dokumentimin e plotë të ngjarjes.Versus.al
