Foto ilustruese
Një aksident i rëndë rrugor ndodhi sot rreth orës 10:05, në ditën e parë të vitit, në aksin kombëtar Peqin–Rrogozhinë, në fshatin Karinë të Peqinit. Sipas burimeve nga vendngjarja, dy automjete u përplasën fort mes tyre.
Si pasojë e aksidentit, të dy mjetet pësojnë dëme të konsiderueshme, ndërsa tre persona mbetën të plagosur rëndë dhe u transportuan menjëherë me autoambulancë në spital për ndihmë mjekësore.
Në vendngjarje mbërritën shërbimet e policisë dhe autoambulancat, të cilat po kryejnë veprimet e nevojshme. Qarkullimi në këtë segment rrugor është ndërprerë përkohësisht, ndërsa policia po heton shkaqet dhe rrethanat që çuan në këtë aksident.
Poll
