Edhe shqiptarët që jetojnë në Holandë, kanë protestuar ditën e sotme kundër qeverisë, duke u solidarizuar me protestuesit që prej 2 javësh janë ngritur në këmbë duke kërkuar dorëheqjen e kryeministrit Edi Rama.
Përmes një forme të veçantë proteste, demonstruesit në Hagë, kanë zgjedhur të shpalosin trashëgiminë kulturore duke kënduar këngë polifonike.
"Dhe kështu do të arrijmë ta rrëzojmë qeverinë e korruptuar që na ka përzënë nga shtëpitë tona për 35 vjet. Shqipërinë e përfaqëson folklori, e përfaqëson arti, e përfaqëson kultura, tradita", është shprehur një nga folësit gjatë protestës.Versus.al
View this post on Instagram
Gjykata e Posaçme kundër Korrupsionit dhe Krimit të Organizuar ka lënë në fuqi masën e sigurisë “arrest në burg” për tre nga të arrestuarit në kuadër të megaoperacionit të SPAK për goditjen e trafikut ndërkombëtar të drogës dhe pastrimit të parave.
Në seancën për vlerësimin e masave të sigurisë, gjykata vendosi të mbajë në burg Orest Sotën, Orgest Birçajn dhe Dritan Agën. Ndërkohë, për Gëzim Islamin u vendos lirimi për arsye shëndetësore kundrejt një garancie pasurore prej 100 mijë eurosh.
Katër të arrestuarit dolën para Gjykatës së Posaçme këtë të shtunë, ndërsa seanca nisi në orën 09:00. Procesi u ndërpre për rreth dy orë pas kërkesës së avokatëve mbrojtës, të cilët kërkuan kohë për t’u njohur me aktet hetimore të dosjes.
Pas rifillimit të gjykimit, trupa gjykuese shqyrtoi kërkesat e palëve dhe vendosi masat e sigurisë për secilin prej të dyshuarve.
Në sallëne gjyqit ishin të pranishëm kreu i SPAK, Altin Dumani, prokurorja Elida Kaçkini dhe gjyqtarja Flojera Davidhi.
Megaoperacioni i SPAK ka në fokus goditjen e grupeve të përfshira në trafikun ndërkombëtar të narkotikëve dhe skemat e dyshuara të pastrimit të parave përmes investimeve në sektorin e ndërtimit. Hetimet për këtë çështje vijojnë.Versus.al
