"Beteja gjigante" e madhe midis kampiones së botës, Argjentinës, dhe kampiones së Evropës, Spanjës, më në fund po bëhet zyrtare, pasi dy ekipet kombëtare kanë rënë dakord për datën dhe vendin e Finalissimës, ndeshjes ndërkombëtare të shumëpritur.
Beteja do të përballë Lionel Messin kundër 16-vjeçarit Lamine Yamal, pasardhësit të mundshëm të superyllit argjentinas, në një ndeshje që premton të magjepsë botën e futbollit.
Të dy ekipet do të dalin në fushë më 27 mars 2026, për të fituar trofeun, me stadiumin Lusail në Katar që do të presë përballjen gjigante.
???????? OFFICIAL: La Finalissima with Spain vs Argentina will take place in Doha, Qatar on March 27th, 2026. pic.twitter.com/j4RU5vRShM
— Fabrizio Romano (@FabrizioRomano) December 18, 2025
I njëjti stadium priti finalen e Kupës së Botës 2022, ku Argjentina mundi Francën dhe fitoi trofeun e saj të tretë.
Edicioni i fundit i Finalissimës u zhvillua në qershor të vitit 2022 në Wembley, ku Argjentina triumfoi 3-0 kundër Italisë. Tani, katër vjet më vonë, skuadra e Lionel Scalonit do të përballet me Spanjën e Luis de la Fuentes, me yllin 16-vjeçar Lamine Yamal si "yllin" e "Roja"./Versus.al
