Edi Rama ka vlerësuar marrëdhëniet mes Albania dhe Italy gjatë vizitës së tij në Rome, duke theksuar se bashkëpunimi aktual me qeverinë e Giorgia Meloni është më i ngjeshuri dhe më strategjiku i 35 viteve të fundit.
Në një postim të shpërndarë gjatë vizitës, Rama u shpreh se ndonëse të gjitha qeveritë italiane kanë qenë dashamirëse ndaj Shqipërisë, asnjë prej tyre nuk ka ndërtuar një program kaq të gjerë bashkëpunimi sa ai aktual.
Sipas tij, afrimi i mëtejshëm me Italinë përmes projekteve konkrete dhe strategjike sjell më shumë zhvillim dhe siguri për Shqipërinë, duke forcuar më tej marrëdhëniet mes dy vendeve.
Kujtojmë që kryeministri Rama do të zhvillojë një vizitë pune në Romë dhe Barcelonë në datat 16-18 prill, në kuadër të angazhimeve ndërkombëtare dhe forcimit të bashkëpunimit me partnerët evropianë.
Në vijim Rama do të marrë pjesë me ftesë të kryeministrit Pedro Sanchez, në punimet e mbledhjes së katërt të Samitit “Në Mbrojtje të Demokracisë”, që zhvillohet në Barcelonë, Spanjë.
Punimet e samitit do të përqendrohen në tema kyçe si “Institucionet dhe multilaterizmi” si edhe “Dezinformimi dhe teknologjia digjitale”, ku një vëmendje e veçantë do t’i kushtohet rregullimit të mjedisit dixhital për të luftuar dezinformimin, forcimit te institucioneve demokratike dhe multilateralizmit, si dhe luftës ndaj pabarazive si themel për një demokraci të fortë.
Në kuadër të Samitit, Kryeministri Rama do të zhvillojë edhe takime bilaterale me kryeministrin Sanchez, Presidentin e Këshillit Evropian, Antonio Costa./Versus.al
